काठमाडौँ, ६ पुसः पछिल्ला केही दिनयता स्थानीय बजारमा सुन र चाँदीको मूल्यमा उतारचढाव देखिएको छ । गत शुक्रबार छापावाल सुन प्रतितोला दुई लाख ६० हजार ४०० रुपैयाँ पुगेको थियो । तर आज सोही परिमाणको सुनको मूल्य घटेर दुई लाख ५८ हजार ३०० रुपैयाँ कायम भएको छ ।
यसअघि गत मङ्गलबार सुनको मूल्य प्रतितोला दुई लाख ५९ हजार, बुधबार दुई लाख ५९ हजार ७०० र बिहीबार दुई लाख ६० हजार ४०० रुपैयाँ पुगेको थियो ।
चाँदीको मूल्यमा पनि उतारचढाव देखिएको छ । प्रतितोला तीन हजार ८८५ रुपैयाँ रहेको चाँदीको मूल्य बढ्दै बिहीबार चार हजार ८० रुपैयाँ पुगेको थियो । नेपाल सुनचाँदी व्यवसायी महासङ्घका अनुसार आज चाँदी प्रतितोला चार हजार १०५ रुपैयाँ कायम भएको छ ।
