काठमाडौं । मिथिला लघुवित्त वित्तीय संस्था लिमिटेडले गत आर्थिक वर्ष ०८१/८२ का लागि लाभांश प्रस्ताव गरेको छ ।
पुस ४ गते बसेको कम्पनीको सञ्चालक समितिको बैठकले सो वर्षको मुनाफाबाट हाल कायम चुक्तापुँजी २२ करोड ३९ लाख ३३ हजार रुपैयाँको आधारमा १४ दशमलव २५ प्रतिशत बोनस शेयर र कर प्रयोजनका लागि ०.७५ प्रतिशत नगद लाभांश वितरण गर्ने निर्णय गरेको हो ।
कम्पनीका अनुसार प्रस्तावित लाभांश नेपाल राष्ट्र बैंकको स्वीकृति तथा आगामी वार्षिक साधारण सभाबाट पारित भएपछि मात्र शेयरधनीलाई वितरण गरिनेछ ।
